ក្រុងបាងកក ពីអគារ​ខ្ពស់​ជាងគេបង្អស់

ខ្ញុំមកធ្វើការស្រុកនេះមួយឆ្នាំកន្លះហើយ ចេះតែមិនដែលមានពេលល្អឡើង​មើលក្រុងបាងកក​ពីអគារខ្ពស់ជាងគេស្អីនោះសោះ ដោយ​អាង​តែថា​នឹងនៅ​ធ្វើការច្រើន​​ឆ្នាំ​ទៀត​ឯណោះ អញ្ចឹងឡើង​ថ្ងៃណា​ក៏បានដែរ  ។ ល្ងាចនេះ​​ជួនជា​អ្នកធ្វើការ​​ជាមួយ​បបួល​ក៏ឡើង ហើយ​អង្គុយញ៉ាំ​អាហារពេល​​ល្ងាចនៅលើ​ដំបូល​​អគារមើល​​ទេសភាព​ជុំវិញ​​តែម្ដងទៅ ។

Baiyoke II គឺជាអគារដែលខ្ពស់ជាងគេបង្អស់ក្នុងស្រុកថៃ ។ វាមានកម្ពស់ ៣២៨ ម៉ែត្រ (១,០៧៦ ហ្វីត)  ដែលមាន ៨៥ ជាន់ ។ អគារ​នេះបា​ន​ចាប់ផ្ដើមសាងសង់ក្នុងឆ្នាំ ១៩៩០ បញ្ចប់ក្នុង​ឆ្នាំ ១៩៩៧ ។ នាពេល​បច្ចុប្បន្ននេះ វាជាអគារ​ខ្ពស់ជាងគេក្នុងស្រុកថៃ តែ​នៅឆ្នាំ ២០១២ Ocean One Tower ដែលមានទីតាំងក្នុងខេត្តប៉ាតាយា នឹងក្លាយទៅជាអគារខ្ពស់ជាងគេប្រចាំស្រុកនេះវិញម្ដង ។ ខាង​ក្រោម​ជា​រូបភាពក្រុងបាងកកខ្លះៗ ដែលខ្ញុំបានថត​ពីជ្រុងនីមួយៗ (ភ្លេចថតជ្រុងខាងត្បូង ព្រោះរវល់តែឆ្ងាញ់ ) ។

ក្រុងបាងកក ពីជ្រុងខាងជើងអគារ

ក្រុងបាងកក ពីជ្រុងខាងកើតអគារ (ផ្លូវរថភ្លើងអាកាសនោះ ជាផ្លូវថ្មីសម្រាប់ទៅព្រលានយន្តហោះ

ក្រុងបាងកក ពីជ្រុងខាងលិចអគារ

មិនមែនថតពីជ្រុងណាមកទេ គឺរូបម្ចាស់ផ្ទះតែម្ដង ហេហេហេ

ថ្ងៃរៀបលិចផុតបាត់

ទោះជាអគារកម្ពស់ណា ក៏គេមិនភ្លេចដែរអាដំបូលមូល ពណ៌មាសនោះ (ខាងក្រោយអគារគឺទន្លេចាវផាយ៉ា)