មួយឆ្នាំហើយ ដែលខ្ញុំមិនបានឈប់សំរាកពីការងារ​ឲ្យ​បាន​ត្រឹម​ត្រូវ​អី​នឹង​គេ​សោះ តែ​ពេល​នេះ​​មើល​​ទៅ​ខ្ញុំ​ដូច​ជា​លើស​ចំណុះ ហើយ​ពិតជា​ត្រូវការ​ពេល​សំរាក​មែន ។ ជួនជា​​មាន​មិត្តភក្រ្ត​​មក​លេង អញ្ចឹង​​ថ្ងៃ​អាទិត្យ​នេះ​សម្រេច​បបួល​​គ្នាទៅ​​លេង​ខេត្ត ឈៀងម៉ៃ ហើយ​នឹង​ស្នាក់​​​នៅទីនោះ​ចំនួន​បួនថ្ងៃ ។

តើមានបងប្អូនណាធ្លាប់ទៅលេង ឈៀងម៉ៃ ពីមុនទេ ? បើធ្លាប់ តើមាន​កន្លែង​ណា​​ចង់​ណែ​​នាំ​ទេ? តាម​ពិត​ទៅ ខ្ញុំក៏មាន​ផែនការ​ខ្លះៗដែរ ដូច​ជា​ទៅលេង​ភ្នំ Inthanon ជាភ្នំ​ដែល​ខ្ពស់ជាង​គេបង្អស់​នៅស្រុក​ថៃ និង កន្លែង​​ផ្សេងៗ​​ទៀត ។ ប្រសិន​បើ​មាន​ពេល ខ្ញុំក៏​គិត​ចង់​ទៅ​លេង​តំបន់​​ត្រីកោណ​មាស (golden triangle) ផងដែរ ។

សម្រាប់ព័ត៌មានបន្ថែមខ្លះៗ អំពីខេត្ត ឈៀងម៉ៃ ចុចត្រង់នេះ

ថ្ងៃនេះជាថ្ងៃសម្រាកព្រោះជាថ្ងៃឪពុកនៅស្រុកថៃ អញ្ចឹងប្អូនវុឌ្ឍី និង ខ្ញុំនាំគ្នាទៅ​​ដើរលេងនៅ​អយុធ្យាម្ដង ។ ថ្ងៃនេះ​ជិះ​ស្ទើរ​ប្រភេទ​យាន​ជំនិះ​អស់​ហើយ តាំង​ពីម៉ូតូ រថភ្លើង​អាកាស ឡាន​តួរីស តុកៗ រថភ្លើង ឡានក្រុង តែអត់​បានជិះដំរី និង ក្រពើ អាចអាន​បន្ថែម​ពី​ខេត្ត​អយុធ្យាត្រង់នេះ ។ ខាងក្រោម​ជារូបភាពខ្លះៗ

វត្ត Phra Si Sanphet

តុកៗខេត្តអយុធ្យាល្អមើលណាស់

ការ៉េមឆ្ងាញ់ ខានញ៉ាំ២០ឆ្នាំហើយ នៅចាំអីទៀត ដាក់ម្ដុំម្នាក់ទៅយើង

ដំរីវត្ត Phra Si Sanphet

វត្ត Chai Wattanaram

រថភ្លើងខ្សែ អយុធ្យា-បាងកក (ជិះពាក់កណ្ដលផ្លូវក៏ចុះជិះឡានក្រុងវិញ ព្រោះទ្រាំក្លិនមនុស្សមិនបាន)

ខ្ញុំមាន​បញ្ហា Khmer Unicode ត្រង់រាល់ពេលខ្ញុំវាយអក្សរ​ខ្មែរមានត្រួត​ជើង វាប្រែជា​លោត​​​ជើង​ចេញ​ក្រៅ​ដោយស្វ័យ​ប្រវត្តិ ។ ទោះជាខ្ញុំ​កែរដាក់ជើង​អោយ​នៅ​កន្លែង​​ត្រឹម​ត្រូវ​ក៏​ដោយ បន្ទាប់ “ save​ and close”   ហើយ​បើកម្ដង​ទៀត ក៏ជើង​របស់វា​​នៅតែ​លោត​ជើង​ចេញ​ខាងក្រៅ​ដដែល ។ ជា​ឧទាហរណ៍៖ ពេលខ្ញុំ​វាយ​ពាក្យ “ មនុស្ស” ក្រោយ​ពី save and close ហើយ​បើម្ដង​ទៀត​ វាបែជា​ចេញ “ មនុស​្ស” ទៅ​វិញ ។

តើមាន​អ្នក​ណា​ធ្លាប់មានបញ្ហាដូចនេះទេ? បើមាន តើខ្ញុំត្រូវធ្វើ​​ដូចម្ដេច​ដើម្បីកុំ​អោយវា​លោត​អញ្ចឹង​​ទៀត​​នៅ​​ថ្ងៃក្រោយ ។  សូមអរគុណ​ទុកជាមុន ។

A Canadian woman loses her benefits over Facebook photo. For more, click here.

Source: Yahoo news

ចុះបើម្លឹងៗ តើត្រូវទៅតាមណាលោកអើយ?!?!?!

ខាងក្រោមជាសមិទ្ធផល​ដែលខ្ញុំបាន​ផ្ដើមធ្វើសម្រាប់​ខួបកំណើតប៉ា​តាំងពីប៉ុន្មាន​ពីរខែ​មុន ។ ខ្ញុំបាន​បញ្ចប់វា​មួយខែ​ហើយ តែអត់​មាន​ពេល​យក​​ទៅ​ដាក់​ស៊ុម ។ ឥឡូវខ្ញុំកំពុង​តែធ្វើរូប​មួយ​ផ្សេង​ទៀតសម្រាប់​មិត្តភក្តិ ជាចំណង​ដៃដល់​បុត្រ​តូចរបស់​គេ​ដែល​នឹង​សម្រាល​ប៉ុន្មាន​ថ្ងៃទៀត​នេះ ។

Scarlet Minivet - final

ជិតពីរខែហើយដែលមានការងារច្រើននោះមហាច្រើន រកតែដក​ដង្ហើមធ្វើ​មិនទាន់ ហើយក៏​មិន​​ដែលបានធ្វើអ្វីៗ​ល្អៗសម្រាប់​ខ្លួនដែរ។ ល្ងាចនេះ​ក៏ជប់លៀង​អោយខ្លួនឯង​ម្ដង ។ វាមិនមែន​ជាពិធី​ជប់លៀងធំ​ស្អីទេ គឺគ្រាន់តែ​ចង់ញ៉ាំម្ហូប​ឆ្ងាញ់ជាង​ធម្មតា និង អង្គុយស្ដាប់​ភ្លេង​​​បែបអន្លង់អន្លោច​​ប៉ុណ្ណោះ ។ សម្រាប់ខ្ញុំ បើកាលណា​នឹកដល់ម្ហូប​ឆ្ងាញ់ សាលាដ​ឆ្ងាញ់ និង ស្ដាប់ភ្លេង​អន្លង់អន្លោច​​ពិរោះ​នោះ គ្មានកន្លែង​ណាផ្សេងក្រៅពី Sizzler តែប៉ុណ្ណោះ ។ អត់មាន​អ្នកណាទៅ​ជាមួយ ព្រោះ​ដៃ​ជើង (មិត្តភក្ដិ) រត់ចោល​អស់ហើយ អញ្ចឹង​មាន​តែ​​អង្គុយធ្វើមុខ​​ស្ញេញ​ស្ញូញ ងាកឆ្វេង ងាកស្ដាំ ដូច​ស្វា​តែ​ម្នាក់ឯង​ទៅ ។

Pork BBQ and Salads

បទនេះខ្ញុំមិនដែលស្ដាប់រាប់សិបឆ្នាំមកហើយ តែថ្មីនេះឃើញ​​គេលេងបទនេះ​នៅក្នុងពាណិជ្ជកម្ម​មួយក្នុង​ស្រុកថៃ ។ នេះជា​ពាណិជ្ជកម្ម​ក្រុមហ៊ុន​ធានារ៉ាប់រងមួយ តែមើលហើយ​គួរអោយចាប់​អារម្មណ៍ និង គិតថាវា​មានអត្ថន័យលើស​ពី​ពាណិជ្ជកម្ម​ទៅទៀត ។

ខ្ញុំមកធ្វើការស្រុកនេះមួយឆ្នាំកន្លះហើយ ចេះតែមិនដែលមានពេលល្អឡើង​មើលក្រុងបាងកក​ពីអគារខ្ពស់ជាងគេស្អីនោះសោះ ដោយ​អាង​តែថា​នឹងនៅ​ធ្វើការច្រើន​​ឆ្នាំ​ទៀត​ឯណោះ អញ្ចឹងឡើង​ថ្ងៃណា​ក៏បានដែរ  ។ ល្ងាចនេះ​​ជួនជា​អ្នកធ្វើការ​​ជាមួយ​បបួល​ក៏ឡើង ហើយ​អង្គុយញ៉ាំ​អាហារពេល​​ល្ងាចនៅលើ​ដំបូល​​អគារមើល​​ទេសភាព​ជុំវិញ​​តែម្ដងទៅ ។

Baiyoke II គឺជាអគារដែលខ្ពស់ជាងគេបង្អស់ក្នុងស្រុកថៃ ។ វាមានកម្ពស់ ៣២៨ ម៉ែត្រ (១,០៧៦ ហ្វីត)  ដែលមាន ៨៥ ជាន់ ។ អគារ​នេះបា​ន​ចាប់ផ្ដើមសាងសង់ក្នុងឆ្នាំ ១៩៩០ បញ្ចប់ក្នុង​ឆ្នាំ ១៩៩៧ ។ នាពេល​បច្ចុប្បន្ននេះ វាជាអគារ​ខ្ពស់ជាងគេក្នុងស្រុកថៃ តែ​នៅឆ្នាំ ២០១២ Ocean One Tower ដែលមានទីតាំងក្នុងខេត្តប៉ាតាយា នឹងក្លាយទៅជាអគារខ្ពស់ជាងគេប្រចាំស្រុកនេះវិញម្ដង ។ ខាង​ក្រោម​ជា​រូបភាពក្រុងបាងកកខ្លះៗ ដែលខ្ញុំបានថត​ពីជ្រុងនីមួយៗ (ភ្លេចថតជ្រុងខាងត្បូង ព្រោះរវល់តែឆ្ងាញ់ ) ។

ក្រុងបាងកក ពីជ្រុងខាងជើងអគារ

ក្រុងបាងកក ពីជ្រុងខាងកើតអគារ (ផ្លូវរថភ្លើងអាកាសនោះ ជាផ្លូវថ្មីសម្រាប់ទៅព្រលានយន្តហោះ

ក្រុងបាងកក ពីជ្រុងខាងលិចអគារ

មិនមែនថតពីជ្រុងណាមកទេ គឺរូបម្ចាស់ផ្ទះតែម្ដង ហេហេហេ

ថ្ងៃរៀបលិចផុតបាត់

ទោះជាអគារកម្ពស់ណា ក៏គេមិនភ្លេចដែរអាដំបូលមូល ពណ៌មាសនោះ (ខាងក្រោយអគារគឺទន្លេចាវផាយ៉ា)

ធ្វើអត់ដូចមកពីខ្ញុំអត់ចេះបង់សំណាញ់ហ្នឹងណា ។ បើអោយខ្ញុំបង់វិញ ច្បាស់ជា​សំណាញ់​វ័ណ្ឌ​ខ្លួនធ្លាក់ទឹក​ខ្លួនមិនខាន